Oroka mahery - raozy
Orokoro-mamy, nanaitra ny filàny
No natolotrao, niampy hoe andao
Orokoro-mamy, nanaitra ny hafanany
No nampitanao ny hafatra, manao hoe izao dia izao
Oroka fitia, tsy nisalasala
No nandoranao, ilay afom-batany,
Oroka fitia, tonga dia nijoala
No nandrehetanao, ilay redam-pirongatany
Oroka mahery, hendratrendra-pihavy
No fitaovanao, natao fampanekena
Oroka mahery, efa hitany fa avy
No vovo nentinao, mba hoe handresena
Oroka tsy mihafa, tsy misalasala
No seraseram-po, sy natao takalo
Oroka tsy mihafa, nefa tsy adaladala
No herin’ilay fo, Tia ka nampivalo
Sokajy :
Aingam-panahy
Tononkalo hafa
Fitia tandrimoHampitondraiko anao
Roa taona
Efa tofoka sy Lao
Izy tsy handao anao
Arahaba an-tselika
Aok izay
Omeo ahy
RY zanaka adala
Tompo o ! o aiza no alehako raha lavitra anao