SOA - raozy

SOA

Soa ny orana milatsaka
k'hanafina hampiharo
ireo ranomaso latsaka
noho izato tsiaro

Soa ny andro maloka
hampitovy loko
ny endriko izay maloka
noho ny alahelom-poko

Soa ny andro maizina
ka sarotra avahana
ireo helo s'ireo aizina
anatiko mibahana

Soa fa mitabataba
ny any ivelany any
ka saron'ny kotaba
ny foko mitomany

Soa fa Tiako ianao
fa raha izany andro izany
no tsy nisy anao
Nilaozako ny tany