TSIKY KAY DIA AMPY (raozigasy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Nitsiky indray ny androko
Izay ilay efa tsy andriko
Hoe hotantaraina
Ary koa zaraina

Nitsiky indray ny foko
Izay ilay hanoloako
Ireo alahelo maro
Sy ola-nifangaro

Nitsiky indray ny masoko
Adinoko ny ankasoko
Mazava izay banjiniko
Mena ny raozy fihiniko

Nitsiky indray ny molotro
Ka ireo teny natolotro
Dia feno fifaliana
Sy sangim-pitsikiana

Nitsiky indray ny tsikiko
Nisava ilay tokikiko
Feno ilay hasambarana
Irina tsy hifarana

Nitsiky indray ny endriko
Dify ilay fendrofendroko
Tan-tsiky aho no niantsampy
Hay tsiky kay dia ampy
--------
Rohy:
Sokajy : Aingam-panahy
1952 0
Hevitra mandeha
Soarilala ( 28/04/2010 13:41)
Ny olana misy foana fa raisina am-pitsikiana e! Sa tsy izany?
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0254