sitrako (Sitraka)

Sitrako androany
Ny hanoratra ho anao
Dika soratra mazava
Dia bolongan-teny mamy
Sy takelaka vaovao
Azo asoritra eny an-tava.


Sitrako anio
Ny manolotra arahaba
Feno ho anao ry Neny.
Dia izao no tadidio
fa firariantsoan'ny vava
No aborako amin'ny teny.


Sitrako hatrizay
Ny niteny moramora
Hoe:"tiako ianao ry neny."
Ianao no herinay
Tsy sandainay vola
Tsy foinay ombieny ombieny.


Sitrakay tanteraka
Ny mirary andro lava
Sy fifaliana feno
Ho an'ilay niteraka.
Dia mbola hifanatri-tava
Satria isika mifameno.

Sitraka
03/05/12 à 11h 19
--------