You are here: home > Vetso

Tsy haiko intsony - Tsiky dia ampy

Tsy haiko na ianao no tsara
Na izaho no mora babo
Fa mipetraka ho tantara
Ka tsy afaka ao antsaiko
Ilay ianao
Sy izaho
Nifamihina maharitra
Tao anaty ora sarotry
Ny andro isarahana.
Nifamihina mangina
Nalahelo sady sina
Nahatsiaro ireo niarahana

Tsy haiko na ianao no tsara
Na izaho no mbola adala
Ka voatery nanambara
Tsy afaka nisalasala
Ny fitiavako voarara.
     Kanefa anie mba faniriako
     Ny hiaritra hijaly
     Tsy hitia ny olon-tiako
     Kanefa anie mba nandrandraiko
     Hoe havony tsy holazaiko
     Fa maningotra ny aiko
     Ny hiaraka aminao...

Tsy haiko na ianao no avo
Na izaho no mora lavo
Fa namingana ny tongotro
Sy tena nahapotraka ahy
Ny tsikinao sy masonao

Satriko tsy ho tia anao
Fa izay no fanafody
Hampangina ny fitiavako
Tiako tsy ho tia ianao
Fa izay no hahatody
Ny lalan-tsarotra diaviko.

Raha izaho tsy hahavita
Fa ianao no iangaviako
"Aza dia tiavina aho"...

Sokajy : Fitiavana

Hevitra mandeha

Solei (04/10/2003 01:03:40)

Tsara ilay izy. Toa voatsindrona ny foko namaky io tononkalo io, indraindray ohatran'ny misy mahamarina azy ihany ny hoe aza dia tiavina aho mba ahafahako miatrika ny lalan-tsarotra ho diaviko.
Mazoto e!

Bakoly

rfanjav (14/10/2003 17:43:35)

Fa nahoana no dia mitalaho mafy e!

Oully (16/12/2003 18:59:48)

Mbola ho hainao ihany izy indray andro any!

hendry (08/05/2004 14:06:54)

Koa maninona raha enao no miezaka tsy ho tia azy fa tsy izy no iangavianao tsy hitia anao?
Tsara!

Clarys (09/06/2004 10:42:51)

Tsy mety le tsy mitia fa le tsy tiavina no mety ! hi hi hi ! ary ty bandy mpanoratra ity anie sao dé tsy hainareo fa efa nahita fitiavana maro é ! Tsy hoe mpilalao fa tena niaina ! hi hi hi hi ! Marina io an !

hery (09/06/2004 11:14:15)

:)
Misy fotoana ilay hoe mitia fotsiny. Mitia ianao fa tsy tianao ilay tiavin'ilay olona satria raha vao mitia ilay olona dia fatotra d'office izay. Aleo ianao ihany no mitia dia libre ianao rehefa avy eo.

Jhi (28/12/2004 03:39:26)

Tsara raha misy sento toy itony fa ny indro kely dé izao : diso mifapibaby loatra ny "anao " "izaho " sy ireo wé "a" izay miafara amin'ny "a" na "o" ; fa ny hitako ihany koa dia diso miady rima loatra ny anao !
Hasivo ventiny anie é !
Porofo : miteny i"solei" wé voatsindrona ny fony !!!
Zany wé , tadidio ah , fa ny zavatra hiantefan'ny fô dia rava hoazy , mora foana tsy fitadidy ; tsy misy lanjany ! koa tsy miteny zah wé tsy misy lanjany ny anao fa , hantefao koussa any amin'ny wé zavatra haMBA">MBA">mbambo ny fon'ny olona iray ny mamaky azy , ary miantefa ny amin'ny fiainam-pitiavana izay hakana lesona !
Zay fa ho entina hanatsarana azy io é !
Jhi ?

arihando (02/07/2009 10:14:41)

Aza mitia fa tiava e
Mazotoa

Malita (09/10/2009 13:57:49)

Tena tsara anefa ilay izy, tsy hitako mintsy izay lesoka, mambabo fo...

radarta (08/02/2011 21:01:57)

aingam-panahy ny tononkalo ka tsy hita oe to miady rima lotra na manao ahoana, arakaraky ny mpanoratra iany io, raha tena avy ao anaty izy de mande oazy fa ra ezahina ho foronina na hianarana de zay no ratsy, amiko TENA TSARA ilay aingam-panahinao,mety iany ko alo ilay oe "Aza dia tiavina aho..." maina zany sarotra ny hanadino,fa aleo adinoina
De mazoto eh!

Hametraka hevitra

Midira aloha