Omeko anao ny "lanitra" - Tsiky dia ampy

Tonga indray ity
ilay tsingerin-taona
Ilay asaramanitra.
Androany kosa akia,
Tsy toy ny isan-taona
F'omeko anao ny lanitra.

Masoandro sy ny rahona,
Ny kintana sy volana
Mameno irony lanitra,
Atolotro ho anao.
Omeko tsisy olana
F'omeko anao ny lanitra

Ny senton'ny fitia
Voady mariazy
Natrehan'Andriamanitra,
Tsy hoe tsy ho doria
Fa tiako hanampy azy
Dia homeko anao ny lanitra

Irony voninkazo
Notazako fahiny
Toa tsara sady manitra,
Dia voninkazo ihany
Halazo sy ho sina
K'omeko anao ny lanitra

Hevitra mandeha

Malita (07/06/2010 07:03:11)

tsaraaa...

Irony voninkazo
Notazako fahiny
Toa tsara sady manitra,
Dia voninkazo ihany
Halazo sy ho sina
K'omeko anao ny lanitra...

Mombamomba

Mpanoratra : Tsiky dia ampy

Nampiditra : hery
Daty : 26/11/2009
Mpamangy : 9678
Mankafy : 2

Tononkalo hafa

Ilay fireneko
Masoandron'ny aiko
Madimozely antitra
Fetinao fa tsy holazaiko
Manorata tononkalo
Iza le sipa
Tsikinao omena
Angamba... Fa...
Lasana aiza?
Tsiky dia ampy