FARATSIHO (AORN)
(Nalaina tao amin'ny vetso.serasera.org)
Tazanina avy lavitra lay Faratsiho izayMiloko maintso mavana ny voly sy ny hay
Dia misary tohatra mandravaka ny havoana
Reto tanimbary maro, mirafitra miantoana
Fa Faratsiho Fileovana, mandrafitra an’Ankaratra
Mizara toko sivy, mamokatra avokoa
Ka maro no mandray ho kaominina “fitaratra”
Reo toerana lalovana, toa mampiraiki-po
Ny mponina ao indray, tantsaha no ankamaroany
Mamboly sy miompy, dia miasa tsy tolorana
fa malagasy maro, misitraka ny soany
dia mifandray tsy tapaka toa misy ifamatorana
Raha Faratsiho no resaka, dia aoka ho fantarina
Fa lalan-dra mamelona raiketin’ny tantara
Fa manana olo-manga izay afaka manarina
Sy tena hampandroso an’I Madagasikara
AORN
06 JANOARY 2012
--------
Lien:
Catégorie :
Tanindrazana
Commentaires
rina15
(
24/06/2024 03:15)
mankatelina Ikalamako
ikalamako
(
02/07/2024 10:43)
tsisy ilay smiley manambatra tànana misaotra ato moa izany ? hihihi
Rary soa foana Rina o !
Rary soa foana Rina o !
hery
(
02/07/2024 17:08)
Ouf nisy ihany 🙏🙏🙏
😋
😋
ikalamako
(
02/07/2024 22:16)
Taiza io ry sefo ? ato amiko toa tsisy ? Sa atao dika-petaka avy any andrefan-trano any ?
hery
(
03/07/2024 22:29)
Tsy misy fampidirana azy eto fa amin'ny finday misy. Dia azo atao dika-petaka ihany koa.
ikalamako
(
05/07/2024 16:11)
tsss ka mba voa koa izany izaho sy ny solosaina be ity - hihihi
hery
(
06/07/2024 14:05)
Ny smileys fototra aloha tokony mety raha soratana e. Ohatra hoe : sy ) na : - ) mitambatra manome hoe 😊
Dia mbola azo ampiana hoe : - p lasa 😜 sns. Fa ny 🙏🏻 tsy haiko hoe inona ny litera afaka mamoaka anazy
Dia mbola azo ampiana hoe : - p lasa 😜 sns. Fa ny 🙏🏻 tsy haiko hoe inona ny litera afaka mamoaka anazy
