FITIA TSY TERENA (AORN)

Ianao ilay milaza ho "tia"
saingy menatra hampiseho
eo imason'ny tontolo...
ataoko ahoana no ankafy
ka hisitraka avy hatrany
ndrao fitia tsy tsara kolo?

Fa matoa tsy mbola sahy
mety mbola misy angamba
Olon-kafa antenaina
dia haratranao tsy nahy
zato foko tena babo
ka hipitra sy hangaina

Mantsy raha fitia am-po
tsy voatana fa mitroatra
sady tsisy mahasakana
K'aza maka aretin-doha
Fa ianao tsy noterena
Tsy voatery hitolo-batana

Ndeha aloha misaintsaina
ka rehefa tapa-kevitra
dia miverina eto indray
Nefa koa tsy omenao tsiny
Raha hikombona ny foko
mety tsy afaky ny handray

AORN
23 JOLAY 2018
--------