NOFINOFY (AORN)

Satriko ihany tsy ho ambara
Lay fitiavako mitsiry
Sy mitempo anao ry tiako
Fa ny sarisary an-tsaiko
Mifamihina aminao
D’efa zary fifaliako

Satriko ihany tsy hamboraka
lay teny roa zay manan-danja
zay tsy sahiko tenenina
Koboniko ato foana aloha
Mba hitombo lanja hatrany
ka ezahiko hafenina

Satriko ihany ho nofinofy
Izaho sy ianao hiara-droa
Ho eny ambony alitara...
Saingy mamy noho ny mamy
Raha raiketiko ato am-poko
Ka foroniko ho tantara

AORN
06 SEPTAMBRA 2024
--------