SUR AHO F'HIVOAKA AMY MAKARAKARA (AORN)

Sur aho f'hivoaka amy makarakara
Matoa ny eo akaiky efa vaky barara
hoe efa tsy mendrika an'i gasikara
lay hitsakitsahin'ireo mpikafara

aiza ka olona an-jatony maro
no matin'aretina tsy mba voaaro
ny tazo mandripaka atao mifangaro
amin-javatra hafa dia hoe ampiakaro

Ny vola voaray tamy tany namidy
dia efa voazaran'ireo mangididy
dia nefa havoaka lalana sy didy
vahoaka alin-kisa tsy manan-tsafidy

ny entana miditra atao amboletra
hatao hanakonana kozy voretra
ny manao ny marina no indro voafetra
fa efa bahanan'ireo ratsy toetra

ny vary nafarana moa vary mora
Dia aleony mampiditra fako sy akora
tsy avela mamokatra ireto tanora
fa ndrao dia tafita ka avy eo manakora

rehefa dinihina sy araha-maso
ny lohany mihitsy no tonga matsatso
fa mody lazainy fa be ireo ankaso
nataon'ny mpanohitr'izay tato ho ato

fa firy amy taonina no efa naondrana
hazo sy vato tsy misy tsy fongana
izy hono hoe tsy matahotra hiongana
Raha Gasikara avelao any hirodana

fa ny vahoaka no tena mijaly
zareo safonenika sy falifaly
kanefa ny ratsy tsy maintsy hivaly
fa sendra ny afo mandoro molaly

dia Sur aho f'hivoaka ny mangarahara
ka olom-baovao no hanohy ny tantara
ny olon-drehetra mba hanana anjara
dia ho tany mendrika ity gasikara


AORN
03 AOGOSITRA 2025
--------