VOABAIKO (AORN)

Firifiry zay ny tranga
Nampitolatola-gaga
Niseho lany tato ho ato
Fanondranana harena
Sokatra sy andramena
Miampy ireo karazam-bato

Dia 'reo tompomenakely
No manao zay tsy hampiely
Ny vaovao zay tena marina...
Miezaka mamono afo
Ka tena sahy mividy lafo
Zany lainga tiana amboarina

Dia lazainy f’efa miasa
Reo sehatra sy sampan’asa
fa hoe: "mitady ireo mpamatsy"
Saingy indrisy maty momoka
'Reo mba asa izay natomboka
Fa voabaikon’olon-dratsy

AORN
11 JANOARY 2024
--------