Tiako loatra ianao (Ari Ira)

Tsy efa nolazaiko anao impiry
moa ilay teny hoe tiako ianao?
Moa tsy efa leo ny sofinao?
Raha mba voan-javatra maniry
izany teny izany angamba
efa be toa baobaba....

Tsy efa nobitsihiko impiry
teo am-poto-tsofinao
moa ilay teny hoe tiako ianao?
" ngeza loatra makadiry"
hoy ny hirahiranao
mamaly ilay tam-poko tao

Tsy ho reraka ny molotro
f'ho mariky ny fo natolotro
dia ho dradraiko an-tsofinao
ny fitiavako manàko...
ilay teny hoe tiako ianao
hirahirako tsy hiato....
Ho anao..........
--------