Mandria ampiadanana (Boyanjah.RZ)

Raozy kely efa malazo
No indro tazako eo anilanao
Io ilay solom-boninkazo
Mba hatsiarovako anao
Voninkazo mitahiry,
ny lasan-tsika hatrizay
Ilay fitia vao nitsiry,
nirina ho mandrakizay

Kanefa indrisy amin'izao
Nofinofy sisa ireny
Fa ianao lasa nandao
Ka namela ahy hiady irery

Nandao ny tanim-pijaliana
Niova tontolo vaovao
Andeha hiaina ampifaliana
Hiaina fiainam-baovao

Io FASANA io irery sisa
No hany hahitako anao
Ka eto no mamisavisa
Ilay voady izay natao
--------