Aza miala (Dah Nex)
Pas encore lu
(Nalaina tao amin'ny vetso.serasera.org)
*************Aza miala************Na misy manenjika sy manakora
Fitsapana mandalo mahadrodroka rora
Tsy hiala amin'ny Tompo aho na mafy na mora.
Na misy manala tsy ho fianankaviana
Na misy maneso ho olon-tsy tiana
Tsy hiala amin'ny Tompo aho na oviana na oviana.
Na be manabanty hoe marary saina
Lazaina fa olona tsy antenaina
Tsy hiala amin'ny Tompo aho raha toa velon'aina.
Na hila tsy ho zaka ny kapoka sy ady
Na fanozongozonana no hita mianjady
Tsy hiala amin'ny Tompo aho fa dia azafady.
Na mbola tsy tonga Jesoa 'zay andrasana
Ny namana rehetra indro fa lasana
Tsy hiala amin'ny Tompo aho....na hofaty any am-pasana.
Dah Nex
04-01-2025------- 04ora:28 minitra hariva / Andramasina
--------
Lien:
Catégorie :
Fananarana