NY VAVAK'I NENY (LAVENONA)
Pas encore lu
(Nalaina tao amin'ny vetso.serasera.org)
Ny vavak'i Neny no solona lakana mitondra antsika tsy hidiran'angano
mihitsy azo inoana fa io no manakana
ny hery manafika ao an-tokantrano
Ka...na aza olana toa vatolampy
no indro mitranga tsy maintsy atrehina
ilay vavak'i Neny no indro manampy
ho andry manohana, solona tehina
Ny vavak'i Neny ? Toy ny arofanina!
miaro ny zanany tsy hihoa-pefy!
Ataony amin'ny fony ,tsy akory nindramina
Fa noho ny fitiavany tsy mety lefy
Izy miangavy hiarovana ny aiko !
mitalaho amin'i Ray tsy hamela ahy irery
Tsapako etoana ka indro lazaiko ,fa....
"ilay vavak'i Neny hay tena mahery !"
LAVENONA
--------
Lien:
