TANORA MIFIDY (LAVENONA)

TANORA MIFIDY

Tanora aho kanefa tsy adala!
No sady nandia lakilasy !
Misaina ary koa mahalala
ny fiainan'ireo Malagasy !

Tanora fa tsy azo vidiana
na tambazana vola sy harena !
Fa mahafantatra izay hofidiana
hampandroso ity firenena !

Tanora tsy mora voatarika
raha toky tsy hisy ho tontosa !
Mijoro ka tsy mba voasarika
amin'ireo velirano mihavosa !

Mpifidy tsy resinao lahatra
amin'izay paradisa tsy hita
Fa mandinika tsy mba mitsahatra
ireo fampanantenana tsy vita !

LAVENONA
08/09/23
--------