Rehefa (Rary Nofy)
Pas encore lu
(Nalaina tao amin'ny vetso.serasera.org)
REHEFA...Rehefa reraka ny saina;
Mivezivezy ny fanahy;
Ka tsy tâna ilay taraina
Fa miteraka tsiahy.
Rehefa vizana ny vatana:
Ka torovan-drovana ny fo;
Toa te hanoratra ny tanana;
Handrakitra ireo nofy efa lo.
Rehefa malomaloka ny andro;
Efa ho dify ilay masondro.
Mitamberina indray ireo fahiny
Ireo fiainany niainany tamin'izany.
Rehefa mahatsiaro ny lasa;
Miheboebo ireo aingam-panahy
Ilay embona mampifanjohy;
No reako mikoriana misasasasa.
Rehefa manembona anao;
Toa henoko mitrahotraho ny ao anaty ao;
Mangoraka,toa mihakohako;
Izany foko,saiko sy fanahiko.
Maharavo.A
--------
Lien:
