Tafatafan'ny fanahy (Rary Nofy)

TAFATAFAN'NY FANAHY
Ato an'efitra mangina aho
No miandry anao ombeny!
Maminavina,mieritreritra sao
Sao lahy ho lasa nofy ireny.

Ireny lasa nihaonantsika;
Tany anaty eritreritra;
Ilay nahitako anao sariaka;
Ka hikotrika ao ampon'ny mpitsiriritra.

Ato anaty alin'nofy aho;
No miandradra hitafatafa;
Hiresa-dresaka aminao;
Fa tsy hoe"hihafahafa,hifanatsafa.

Hisehoseho foana aho;
Ao an'eritreritrao!
Hiantsampy an-tratranao;
Fa tsy hoe"hitalaho.

Hoavy any re aho;
Tsy hitabataba akory;
Fa hanantona,moramora anao;
Rehefa iny ianao matory.

Hitsaitsaika tsimoramora;
Fa tsy higadona fandeha;
Rehefa tafafoha ianao isaky ny iray ora;
Dia hifandray indray isika ka hirehareha;

Eny avelan'ny natiora;
Ny fotoana hiaonantsika;
Fa raha tsy tonga eny aho miora;
Dia ho foana ny nofintsika.
Maharavo.A 17.05.2017 21:20
Analakely-Madagasikara
--------