Fiainan-java-boahary! (fenohasimpitia)

Fiainan-java-boahary!!!

Sambatra ny fo
Tretrika ny saina
Fa kanto tokoa
'Zany andro vao maraina

Andro vaovao
Ho ahy sy ho anao
Hifaliana eto an-tany
Hitadiavana ny mamy

Faly ery ny zava-boahary
Fa tsy diso anjara t@'lay Nahary
Fa nomena alina hatoriana
Sy maraim-baovao hifaliana

Ireo zava-manan'aina
Sy ny zava-boahary hafa
Samy faly tsy hay tohaina
Ravo ery fa andeha hitafa

Isaorako Andriamanitra
Nanome tombon'andro iainana
Ka ny andon'ny lanitra
No handrakotra ny fiainana

Ra-FEN'S (10/10/2016 07:31)
--------