Fitia hafakely - fenohasimpitia

Azo vakiana?

Sahirana ny saina, tohina ny fo
Namaky ilay tononkalonao, vao maraina vao mifoha
Tononkalo tena kanto, voarafitra manokana
Tsy natao ho an'olo-maro, fa ho an'ny olona voatokana

Tononkalo tena mamy, tsy afaka ao am-bava!
Tsy hangidy mandra-maty, ny alahelo koa hisava
Ny fahoriana rehetra, ho tonga fifaliana
Rehefa injao miventso, ilay tononkalo tena tiana

Ho raketiko an-tsoratra, ho tehiriziko ato anaty
'Lay vetsovetsom-ponao, mila hamono ahafaty
Manohina ny ati-fo, mila ahalasa adala
Malaelo anao ny foko, te ho eo anilanao MALALA.

Sambatra aho, raha to ny faniriako
Dia ny ho eo anilanao, satria enao ilay tena tiko
Tsy am-bava fotsiny, fa tena avy ato anaty
Fitia tena Feno, fa tsy sanatria poak'aty.

Tiko ianao, nefa olona tsy fantatra
Fa an-tsoratra fotsiny, sady mbola ankamantatra
Tsy haiko oe anahoana, ny fihaonatsika any aoriana
Enga anie ka samy ho faly, ifanatrika ilay TIANA.


FEN'S!!!

Hevitra mandeha

LyrainaJha (07/10/2016 07:53:11)

izaho koa tia anao ry ilay olona tsy fantatro!huhu

Mombamomba

Mpanoratra : fenohasimpitia

Nampiditra : fenohasimpitia
Daty : 07/10/2016
Mpamangy : 2127
Mankafy : 1

Tononkalo hafa

Indrisy!!!!!
Lavitr'olo-tiana!
Mpitondra???
Fiainan-java-boahary!
IANAO!!!!
IARIVO
4-MIS
NENINA!
Ny Tena Fitia
Fitadiavana