TSY AHY (fily)

TSY AHY
ianao dia ianao irery ihany
no tiako indrindra eto an-tany,
fa nahafeno ny idealiko
manoloana ny fitiavako;
d'ilay fitia nandrandraiko
nantenaiko,
hiadanan'ny fanahiko...!

kanjo indrisy...!
toa rendrika sahady?

fa ny lakakelin'ny fitiavako
no tojo Nosy izay niriny,
dia faly,
ravo,
finaritra...!

kanjo, toerana efa manan-tompo
ilay tanjona niakarany
ho kitro ifaharany,
dia nasesik'onja mba hiverina...!

alahelom-piononana
no iainana ato anaty
ratram-po mandra-maty...!

eny, veloma ianao
ry malalako,
izay tsy foiko
nefa tsy ahy.
aza hadinoina !lay fitiavako
niantefa taminao,
tsy nahy...!
--------