SAKOA IZAY (Hajaina )
Pas encore lu
(Nalaina tao amin'ny vetso.serasera.org)
SAKOA IZAYAza taitra amin’izay zava-mitranga
F’ianao no rangory mpamelona ny afo,
Ianao no efa zatra sy tia langalanga
Ka mody mba voky mahita sakafo.
Misy ireo maso izay mipitrapitra?
Misy ny fo izay mangaihay?
Nahoana efa fantatra izao fa ditra
Ka mbola tsy foy irobohana indray?
Ny maso sy fo izay nitondra takaitra:
Naratra tsy fidiny noho ianao
Dia niantso tody sesilany tsy laitra,
Vokany angamba izao loza izao!?
Misy farany avy ny zava-drehetra,
Ny ferin’ny hafa ho sitrana indray
Ny zioganao kosa: tsy mampitsetra,
Kapoka io…. Sakoa izay!
HAJAINA
Okt 98
--------
Lien:
Catégorie :
Aingam-panahy
Commentaires
Mysento
(
02/08/2009 11:35)
aza ,latsaina.
fa hanaro hisaina.