Ekeko (Harifidy)

EKEKO

Ekeko ny tsy misy
Rehefa misy anao
Sy izao tontolo izao
Rakotra fanahy...
K’izay atolotra ahy
Tsy asiako hoe indrisy
F’ekeko noho ianao
S’izao tontolo izao
Lalorinao ho mendrika
Arovanao tsy ho rendrika
Ary hanamboaranao
Ny zaridainan’aina
Entiko mampisy
Ny lalina tsy misy...

Ekeko koa ny misy
Rehefa tsisy ianao
S’izao tontolo izao
Mikasa handrakotra ahy

RAMAROZATOVO Harifidy
17 Juillet 1998
--------