Krisimasy (HASINIONY)

SAMBATRA IANAO

Raha andro nahaterahan'ny mpamonjy ary anio
Nahoana no mahantra izao tontolo izao?
Solika ahoana, raha ny fony tsy madio,
Raha foy ny atody nefa maingoka no tao?
Androm-pamonjena, sa vazo indray miserana?

Sa androm-piandohan'ny fo sambatry ny hoavy?
Dia oroka amin'ny fo; fa ampitso dia manerana
izao tontolo izao ny horakorak'ady
Tsikin'ny fo sambatra, sa tsiky "zary aza",
sa tsiky fitaka mihatsaravelatsihy?
Fa tsiky izay natolotra valiantsikin-jaza
Ka efa voka-tsoa, ahafahana mandihy.

Andro ahaterahan'ny mpamponjinao anio
Ka aza mitanondrika ry IZAO TONTOLO IZAO
Ilay tena Fitiavana ampiantranoy am-po madio
ka aza avela intsony: dia sambatra ianao!
--------