Fony aho nitia anao (Herilanja RANDRIAMANGA)

Pas encore lu

Demander une lecture
(Nalaina tao amin'ny vetso.serasera.org)
Fony aho nitia anao,
Ny zavatra niainako no lasa toy izao:

Nitsiky foana tamiko ny masoandron'ny maraina,
Ny ahita anao indray no masaka ao an-tsaina,
Toa feno voninkazo ny lalako mankany,
Nihevitra foana aho fa ianao no hiafarany.

Ny rivotra mifoka nanjary hirahira,
Ny anaranao vetsoiko no lasa tonon-kira,
Dia nianatra nanofy tokatrano kely iray,
Ianao irery ihany dia nahasambatra ahy.

Harivariva iny ianao mikalokalo,
Ny fiainako rehetra no nataonao tononkalo,
Raha nanorana aza ny andro, tsy niala teo aho,
Ny amiko rehetra no efa lasanao,

Tsy mbola nisy mihitsy ny alina mangina,
Nisy anao daholo hatramin'ny fandrina,
Ankehitriny anefa ilay fitiavana namay,
Nandalo fotsiny ihany fa tsy mandrakizay,

Dia nofinofy sisa ilay izaho sy ianao,
Ireny rehetra ireny, fony aho nitia anao.
--------
Lien:
Catégorie : Alahelo - Embona - Fitiavana - Fahatsiarovana
248 0
Ajouter un commentaire
Veuillez vous connecter
© Eugene Heriniaina - serasera.org 1999 - 2026 - page load 0.2996