NOLEFERIKO AVOKOA (IARANTSOA Mahefa)
(Nalaina tao amin'ny vetso.serasera.org)
Efa noleferiko avokoa ny mombanao rehetra,
fa voady tato am-po
ny hoe hitia tsy misy fetra.
Voalatsalatsanao hatrany
raha niezaka ny nanasoa.
Tsy nahasakana ahy izany
fa noleferiko avokoa.
Tonga teto am-pototsofiko
ireo ditraditrano taloha.
Mba hahatoa ny nofinofiko
dia noleferiko avokoa.
Tsy nampaninona ahy mihitsy
ianao ilay mafimafy loha.
Efa vonona aho hanitsy
ka noleferiko avokoa!
Fifaliako ianao milamin-tsaina
ka dia matokisa sy minoa.
Izay sisa ho avy sombinaina
Mbola lefitro avokoa!
IARANTSOA Mahefa 26 -10-2019
--------
Lien:
