TEBOKA (IARANTSOA Mahefa)

Nantsain'i hery
(Nalaina tao amin'ny vetso.serasera.org)
Teboka mamarana ny amintsika roa
no hirentirenty havandravandrako eto.
Teboka hamafa ny lasana taloha
niarahana nifaly niaretana ny sento.

Tsisy intsony andalana hanarak' azy 'ty
fa ho teboka iray maintimainty loko.
Lavenona no sisa forohan' ny fitia
fa maty teto ny afo niketrika ny foko.

Ny amintsik' reny nivalona sy dila,
nivoraka ny voady nifanomezan-toky.
Teboka no sisa hamarana takila
hanidy ny diary sy hanakombona ny boky.

2016
--------
Rohy:
297 2
Mpakafy: Dimbirazantsoa - Djess
Hametraka hevitra
Midira aloha
Momba ny tononkalo
Mpanoratra : IARANTSOA Mahefa
Nampiditra : iarantsoamahefa
Daty : 20/09/2023 09:18
Antsantononkalo
Nantsain'i hery
© Eugene Heriniaina - serasera.org 1999 - 2024 - page load 0.0736