TSY MISY (JERY)
Pas encore lu
(Nalaina tao amin'ny vetso.serasera.org)
TSY MISY.
Tsy misy...tsy misy hahazaka
Raha tia fa noratrain'
Fitaka mpandratra
.
Tsy misy...tsy misy hahazaka
Raha ilay tiana sy lalaina
No tantanan'olon-kafa
.
Tsy misy...tsy misy hahataty
Ny mijery diavolana
Eo ampamoizam-po
.
Tsy misy...tsy misy hahataty
Raha fo mba zatra niombona
No nizara anankiroa
.
Tsy misy...tsy misy hahasahy
Hilaza fa tsy maharary
Izany hilaozan'olon-tiana
.
Tsy misy...tsy misy ho'aho!!!
Ho takaitra mandramaty
F'io no faratampom-pahoriana
.
JERY
page fb: Tononkalon'i JERY
--------
Lien:
Catégorie :
Fisarahana - Fitiavana
Fans:
landryjery
