RENIKO FAHAROA (LAVENONA)

RENIKO FAHAROA

Raha nisy ny tena nitaiza
ianao koa a nisan'ireny
Tsy adinoko ianao na aiza na aiza
fa noraisiko ho toy ny reny !

Nitaiza ny ara-panahy
nanefy ahy mba ho tia vavaka
tsy sasa-nanatra ahy
ka amiko ianao tena miavaka !

Ny anatrao ombieny ombieny
tsy very maina tsy akory...
na raraka an-tany izy ireny
fa sitraka enti-matory !

Ka ho solo'ny valibabena
dia zavatra tokana ihany
no hany mba azoko omena
Hivavaka ho anao hatrany !

Ka tsy ny hanam-bola sy harena
Fa ny vavaka atoko dia izao
mba hahazo ny famonjena
ary handova ny lanitra ianao !

LAVENONA
--------