AIZA NIZANAKO (Miarantsoa Anicet)

AIZA NIZANAKO?


Ny zanako?

Namoizako zavatra maro,
Namonoko ny olon-drehetra,
'lay nandaozako ny hatanorako,
Ilay nofo 'zay avy amin'ny rako.

Ilay zanako , sombin'ny aina.
Tiako loatra ka tiako ampihantaina.
Tiako ho akaiky ,tsy lavitra ahy...
Ila-nofo na sila-panahy.

De...fitiavana hafa tanteraka
No nitiavako anao fony teraka.
Fitiavana tsy ampitoviana
Am'fitiavan'ny tia sy ny tiana.

Tena adala aho nandositra anao,
Mbola zaza ka te hilalao?
Tiako loatra anefa ny zanako
Ka ...Atakaloko anao ny fananako.

MIARANTSOA ANICET
--------