Ho anao ry malahelo (Miarantsoa Anicet)

HO ANAO RY MALAHELO
Ho anao izay malahelo
Sy ory lalandava...
Ho anao izay malo- tava.
Ho anao izay....
Miaritra ny eson' ny tiavina tsy tia.....
Ho anao izay ory ety.

Ho anao ry malahelo !
Ho anao mahantra indrindra
Niniana ampahoriana...
Ho anao tsy mety tiana...
Ho anao indrindra ity !
Ho anao ' lay nofitahin'ny
Fitiava- mahapahina.
Ho anao indrindra ity :
nahita Ilay Tiako aho ,
Tiako koa ho anao .
'Tiako Mampionona .
Tsy haiko hoe tazonina
Ho ahy irery Izy...
Zaraiko mba ho anao .
Izy tsy olombelona...
Izy izay tsy hamitaka.

Ô !nahita Ilay Tiako aho .
' Lay Tiako Mahagaga...
natao mba ho ahy mihintsy
Niandry ahy ela be .
Ô ! 'Lay Tiako niandry an' ahy...
'Lay Mendrika ....Fanahy ;
Ny Tompoko Tsitoha,
Raisiko ato am-po
Fa natokana ho ahy ...
Zaraiko ho anao rahalahy.
'Lay Tokana Mpamonjy ...
'lay Ampingako na Longy...
Ilay Tokana ianteherako ...
Miandry hatramin' ny fahanterako ...
Andriamanitra Mahery
'Lay Mpambomba sy Mpijery ...
Tiako loatra Ianao
Ry hany Tiako tsy handao!

Ho anao rahalahy malala....
Izy irery Ilay Fandala .
MIARANTSOA ANICET
--------