TONONKALO (Miarantsoa Anicet)

Tononkalo toy ny kalo...
Hirahira ivaiva....
Nofinofin'ny fahiny.
Aiza intsony i "tsisy tsiny" ?
Injay mangina ny maraina :
Tsisy intsony zaridaina ,
Foana teo voninkazo,
Ny ririnina mandazo ...
Lava loatra itony hatsiaka .
Injay manembona isika ...

Tonokaloko mandalo ...
Hirahira miovaova .
Nofinofy tsisy tsiny :
Mitanisa ny fahiny ,
Indro tonga koa ny alina :
Volana mihosin' arina .
Banga eto ny toeranao ;
Tsy himpody fa nandao...
MIARANTSOA ANICET
--------