MAMPIRAFY (Riantsoa)

Angamba ny fahitako anao
Isan’andro lava izao
No mampihetsiketsika ahy ?
K’ilay endri-miramirana
Laroan-tsiky misompirana
No sinafoko tsinahy

Diso ve izaho raha toa
Ka nanao kitoatoa
Ireo iraka sy asako?
Satria ilay endrikao
Sy ny safosafonao
No andrandraiko sy andrasako

Mba tsy fahotana kosa
Ito vavako misosa
Mitanisa anganongano
Hambaboana izato fony
Ndrao mba izy no hampitony
Sy hanala hamohamo

Tsisy olana io ry akama
Fa ny ankizy sy I Madama
Efa mba mahay mihafy
Sady izy mahalala
Fa ny vadiny malala
Tsy mahay mampirafy
--------