ALINA MANGINA (NY Andri-Fara)

Alina mangina .
Ao anaty fahanginana no anirian’ny foko,
Hitady anao tsy misy farany.
Toy ny hazavana vao maraina,
Mamiratra ato am-poko indray ny anaranao.

Raha rivotra ianao, dia izaho no ravina,
Mihetsika izy isakin'izay mandalo ianao.
Raha kintana eny ambony lanitra,
Izaho no tany tsy mety matory mijery anao.

Tsy haiko ny milaza amin’ny teny tsotra,
Fa ny foko efa fantatrao angamba,
Fa ianao no feon’ny fiainako,
Ary ny fitiavako tsy manam-pahataperana.

Ny Andri-Fara. 16.04.2026
--------