Ao aminy (Ny Kanto)

Ao aminy

Tamin’ny fiainany
Sy tamin’ny fijeriny
No nahitako loharanon’
Ny fitia miboiboika

Tamin’ny anarany
Ny soa sy ny hatsarany
No nanaovam-belirano,
Fanekena tsy hilofika

Ao amin’ny Teniny
Sy ny fanoharany
No azo itarafana
Ilay fitia tsy mitomika

Ny miaraka aminy
Mandray ny fahasoavany
No itsiria’ny fahafahana
Ao anaty, hibaliaka.

Ny Kanto, 10/02/05, Parisy.
--------