Mandrakizay (Ny Kanto)

Fotoana ts’isy fetra
Fa Mandrakizay,
‘Lay kipy masoko izay :

„Fa tao ny sandriko no tazako
Namihina ny vatany,
‘Lay tsikiny ao manako
Mitory ny fahatsorany,
Tao no reko koa ny feony
Sy bitsi-pahasambarany,
Tamin’izay no nahatsapako
Ho toy ny sambo atopan’onja,
Mankafy ny hamamoany,
Ilay foko avenavenany”
…
Raha nahiratro ny masoko
Hibanjina azy indray
- Ilay tovovavy tsotra,
Tsotra, lava volo,
Lava, tsara refy,
Tsara bika, tsara joro,
Malefaka fijery,
Mihoatra ny anjely,
Tony dia tony -
Dia tsy hitako intsony,
Nankaiza izy teo
Fa tsy hitako intsony ?

Ny Kanto. Quai de la seine, oktobra 2004
--------