Nentiny aho (Ny Kanto)

Nentiny aho dia faly sy nanaraka
Ho eny an’habaky ny lanitra fitiavany
Hankamamy azy sy tsy hamela hiraraka
Ireo kintana an’aliny am-bozony firavany

Vahobahotra ery, ireo tongotro tsy zatra
Mira dia mirindra, migadona amin’ny aminy
Tsy miteha-tany intsony fa ravo sy milafatra
Mandeha mandranto ‘reo kanto sy ny hamaminy

Nentiny aho hankao anaty torimasony
Hifampizara nofy, hanala hetaheta
Hihanoka hihaino ireo fitempotempon’
Ny fo vonto-pifaliana tsy mba manjoretra

Ny Kanto.
--------