Ny tia (Ny Kanto)
Pas encore lu
(Nalaina tao amin'ny vetso.serasera.org)
Atolotro ho an'ilay natsoiko koa hoe Rianala...Ny Tia
Raha mbola misy antso
Manaitra ahy amin’ny alina
Dia hovaiko ho hira kanto
Raha avy aminao Rahavana
Fa mameno ny efitry ny saiko
Sy manangolingoly ny aiko
Ireo tamberim-pahatsiarovana:
Ziogam-po mahatorovana
Koa raha toa isika hihaoana
‘Zaho hiandry topi-maso
Dia hiarahaba manahoana
Sy hitsiky ts’isy andraso
Fa ny fitia mahery vaika
Mahay mikiry tsy miala
Mampihanjaka, tsy laitra
Sasa-miandry anao malala
Koa raha mbola misy antso
Hanaitra ahy amin’ny alina...
Dia hovaiko ho hira kanto
Fa avy aminao Rahavana
Ny Kanto. ULM ENS. Parisy martsa 2005.
--------
Lien:
Catégorie :
FITIAVANA
Commentaires
NyKanto
(
25/03/2005 13:01)
Dia mifalia fa nifanojo indray ny tia sy ny tiana!