Tsy fioty manta (Ny Kanto)

Pas encore lu

Demander une lecture
(Nalaina tao amin'ny vetso.serasera.org)
Setrin'ilay tononkalon'i Oully hoe ... niriany.

Ny fitia anie tsy fioty manta
Koa aza maika hisantatra
Ny mbola maitso sy marikivy
Sao sendra izay tena mangidy
Fa mahaiza miandry ny mamy
Ilay mety ho fararanon-tomany
Soloy ilay amboaram-pitiavany
Masaka amin'ny fotoanany ...
Irio f'izay no tena iriany...

F''izay maharitra hono
anie no vadin'Andriana.

Ny Kanto.
--------
Lien:
Catégorie : Fitiavana
1309 1
Fans: tsotra1
Commentaires
Oully ( 30/06/2004 09:32)
Ankona fotsiny aho teo am-pamakiana ity vali-kafatrao! ...

Ka

Rahoviana vao ho masaka
Hiandrandrako tena fitia
Hiandry taona efa hisasaka
Sa ho manta foana doria?

Hiandry!!! hiandry!!!


bichette ( 30/06/2004 13:00)
mahereza aza kivy
fa mbola ho avy ilay tandrify
ny fiainana aloha hatsarao
fa mbola ho avy ny anjaranao

mahereza ! mahereza !
NyKanto ( 30/06/2004 13:48)
Aza atao fitia voangivy,
Mbola lavitra ihany ka kivy...
Fa ataovy fitia voampo,
mbola lavitra ihany dia ampoizina !

Ho avy anie ilay andro
Hamokaranao fitiavana.

Ny Kanto.
raozigasy ( 01/07/2004 12:34)
Tsy . . .

Tsy hoe ange mioty manta
Fa mba tsindrin-daona
Te hanantena hanta
Rehefa hoe mihaona

Tsy hoe ange maimaika
Ka hioty ny mangidy
Fa lay fitia nitsaika
Ka tsy nanam-pidy

Tsy dia hoe te-hisantatra
Ka haka marikivy
Ka fitia tsy fantatra
No ndeha hatao hahakivy

Fa . . .

Ny tsiky izay natondraka
Handonaka ny tany
Hahatsara vokatra
Nataony hanihany

Raozy

Ajouter un commentaire
Veuillez vous connecter
A propos
Auteur : Ny Kanto
Inséré par : NyKanto
Date : 30/06/2004 09:03
Lectures

Pas encore lu

Demander une lecture Ajouter audio
© Eugene Heriniaina - serasera.org 1999 - 2024 - page load 0.0149