Ny fitiavana no mampalahelo (RODER)
Pas encore lu
(Nalaina tao amin'ny vetso.serasera.org)
Ny fitiavana no mampalahelo,Fa ny alahelo dia fitiavana;
Raha tia dia vonona hitoloko,
Na dia mangidy aza ny fiafarana.
Ny fo tia tsy mahay mandainga,
Mino teny mamy sy tsiky mangina;
Fa nony tonga ny ora fisarahana,
Ny ranomaso sisa no namana.
Ny alina lava tsy mety ritra,
Ny nofy mamy lasa mangidy;
Ny anaranao miverimberina,
Toy ny hira tsy mety mangina.
Kanefa raha tsy tia isika,
Tsy hisy ratra hanindrona fo;
Fa satria tia no mbola mijaly,
Dia ny alahelo no lasa jiro.
Ny fitiavana no mampalahelo,
Ary ny alahelo dia fitiavana;
Fa ny fo tena tia tsy mba manadino,
Na efa lavitra aza ilay olon-tiana.
06/07/2026
--------
Lien: