Andriana reraka (ho an'i zandry malalan'i zoky tsy foiny) (SARONDRAHONA RAMBOLAMANANA)
Pas encore lu
(Nalaina tao amin'ny vetso.serasera.org)
ANDRIANA RERAKA(Ho an’i Zandry malalan’i Zoky tsy foiny )
I Zokinareo no efa miendrika “adala”
Ka sahy mihantsy ady
Tsy ahoana, tsy ahoana !
Vao tara – masoandro miposaka ny azy
Dia eritreretiny hoe:”lohataona
Sy mandrakizay.
Ianao mahalala, ary mahita foana
Fa n’inona taratra,
Ny olon –drehetra, na iza na iza
Tsy maintsy mandalo ririnina hatrany
Vao fahavaratra !
Ary afantsiho ao an –dohany tsara,
Fa tsy maintsy izany ny fiainana an –tany !
I Zokinareo no tampotampohany
Ka mirafarafa ohatry ny olona noana !
Vao poti –mololo no asaina ipetrahany
Dia mihevi –tena ho andriana foana :
Andriana reraka !
Ary io moa Sakaiza, na ahoana na ahoana
Fireharehàny,
Dia misy farany ny zava –drehetra !
Ary ho hitantsika ny fiavonavonany
Sy izay hiafaràny.
Fa vola ve no hotadiaviko, Zandry
Dia izaho avy koa no hatonatonany ?
I Zokinareo ho’aho matin –kiriana,
Ka aloe mihitsy hanarin’amboakely tiana !
SARONDRAHONA RAMBOLAMANANA ( 033 14 253 57)
07 Aogositra 2004 – Anjanahary II O 84
Faribolana SANDRATRA - Antananarivo
--------
Lien:
Catégorie :
fisarahana
Fans:
sarondrahona
Commentaires
Malalason
(
13/08/2004 11:57)
ISAORAKO ISE RY ZANDRY MALALA
“Ho an’i SARONDRAHONA RAMBOLAMANANA na i FENO”
Isaorako ise hisaorako ihany
Na dia nahavita an’ireo teny ireo
Fa any andro any volana ho tsapan’ise
Izao teniko izao :
Fantatro loatra fa na taiza na taiza no nisy ahy
Dia ny anaran’ise no nisoratra teny nameno ny tsy ampy
Nanintsy ny biloka, nanaitaitra ny fieritreretako
Eny tao ny ady mafy izay efa niaretako noho ny fihavanana
Dia tsy iza f’ianao, Ianao RAMBOLAMANANA
No nisalahy nanoro ahy ny tokony ataoko na dia zandriko aza
Dia nekeko tokoa na dia hoe sain-jaza, mbola bakora sy mareforefo;
Koa ankehitriny ve vao ny ampahan-telon-drano no nitengenan-dakana
Dia kivy ity Kapiteny ka hiverin-dalana, hanao dia mianotra?
Tsy inona akory fa ny fo tafahoatra no mahatonga izany !
Tsy ho lava ny ventsoko fa hofaranako an-teny foy
Raha azo leferina re ny hambom-po dia ifonako marina
F’izaho santria ny hiady am’se fa zandriko tiako
Raha nisy fietsiko tsy zakan’ise dia izy ariana
Fa aza ny tenako no halavirina sy hanaovan-kafara
Raha sitrak’ise dia sambo-pisitrika alefa mialoha
Dia dinidiniho ny lasa efa vita tairo hifoha
Ny tao BERONONO sy ANJANAHARY
Fa samy nahitàna fangirifiriana, izay tena marary
Tsy mino aho hoe ho vitan’ise, ny handrava fihavanana
Ka tandremo sao tanterahin’ise, lay teniko hoe :
“Ise natao hazo manga iankinana indray ity no lasa bararata nandroahan-kisoa”
Fa zovy moa no tsy ho solafaka raha nandia tany?
‘Zaho tsy manangantotohondry am’se
Na namboly ady, na nandrava fihavanana
Fa niaina tanaty fiainana tsotra efa fantatr’ise
Anio anefa averiko indray izao teniko izao hoe :
“Na inona zava-hiseho na ahoana fiankason’ny tany
Ny fantatro zandriko ise dia hijanona ho zandriko hatrany !”
R.JO 13/08/04
Noho ny fihavanana dia hanoratako ise na sanatria tsy hamaky aza
Fa inona loatra ny alahelon’ise amiko no dia nahavita teny maro tsy voahevitra toy ireo ao amin’ny email sy tononkalo ireo ise an? Raha mba hazavain’ise amiko mantsy ny hadisoako dia ho afaka nanazava aho na dia teny iray monja aza, na hihaino anefa ise na tsy dia
hanoratako ihany satria boribory ny tany tsy azoko atao ny midify ny tavan’ise na ahoana fomba fisehon’ise eto anatrehako satria fantatro fa olom-boataiza tamin’ny fahendrena ise ka afaka mandinika tsara, gaga aho nahita ny zavatra nosoratan’ise na dia efa nampoiziko aza ny sasany afa-tsy ity hoe : samy lehilahy nohosoran’ny Reniny menaka tsy ho voafafa ato am-poko mandra-maty iio teny iray io satria mavesatra loatra, ise mantsy mihevitra fa hiady am’se aho (Antitra eo ny voanjobory raha izay no andrasana) ary tsarovy sy aleteo ao andohan’ise fa na aiza alehan’ise dia tsy maintsy mbola hisy fahatsiarovana ahy koa na dia tsiarom-pahatsiarovana iray monja aza na ny ratsy efa vitako na ny tsara efa nataoko dia mbola hampahatsiahy an’ise ny fisiako izany rehetra izany hazavaiko anefa fa tsy izaho no nanadino an’ise fa ise no miezaka hanadino ny fisiako, izany aleoko ihany fa ise noheveriko ho matanja-tsaina sy mpampahery ary mpananatra olona io no lavon’ny singam-bolo kely toy ireny.
Anisan’ny hirako teo imolotr’ise ity soratako ity
Ianao io ve mba nahatsiaro
Ireny lasa niarahana
Mba tadidinao koa ve
Ilay fotoana nisarahana
Fa n’iza n’iza velon’aina
Ka niaina toa antsika
Dia tsy maintsy miafara
Amin’ny vata-mangatsiaka
Ianao io ve efa nanadino
Ditra izay natao
Mba tadidinao koa ve
Ireo niarahana nanao
Fa raha tsahivina ny lasa
Na ny ahy izany na ny anao
Dia angamba fo maratra
No hany sisa mba navelany
Fa n’inon’inona niainana tety
Dia tsarovy fa mandalo tsy ho doria
R.JO (Rakotomalalason Jean Olivier)
“Ho an’i SARONDRAHONA RAMBOLAMANANA na i FENO”
Isaorako ise hisaorako ihany
Na dia nahavita an’ireo teny ireo
Fa any andro any volana ho tsapan’ise
Izao teniko izao :
Fantatro loatra fa na taiza na taiza no nisy ahy
Dia ny anaran’ise no nisoratra teny nameno ny tsy ampy
Nanintsy ny biloka, nanaitaitra ny fieritreretako
Eny tao ny ady mafy izay efa niaretako noho ny fihavanana
Dia tsy iza f’ianao, Ianao RAMBOLAMANANA
No nisalahy nanoro ahy ny tokony ataoko na dia zandriko aza
Dia nekeko tokoa na dia hoe sain-jaza, mbola bakora sy mareforefo;
Koa ankehitriny ve vao ny ampahan-telon-drano no nitengenan-dakana
Dia kivy ity Kapiteny ka hiverin-dalana, hanao dia mianotra?
Tsy inona akory fa ny fo tafahoatra no mahatonga izany !
Tsy ho lava ny ventsoko fa hofaranako an-teny foy
Raha azo leferina re ny hambom-po dia ifonako marina
F’izaho santria ny hiady am’se fa zandriko tiako
Raha nisy fietsiko tsy zakan’ise dia izy ariana
Fa aza ny tenako no halavirina sy hanaovan-kafara
Raha sitrak’ise dia sambo-pisitrika alefa mialoha
Dia dinidiniho ny lasa efa vita tairo hifoha
Ny tao BERONONO sy ANJANAHARY
Fa samy nahitàna fangirifiriana, izay tena marary
Tsy mino aho hoe ho vitan’ise, ny handrava fihavanana
Ka tandremo sao tanterahin’ise, lay teniko hoe :
“Ise natao hazo manga iankinana indray ity no lasa bararata nandroahan-kisoa”
Fa zovy moa no tsy ho solafaka raha nandia tany?
‘Zaho tsy manangantotohondry am’se
Na namboly ady, na nandrava fihavanana
Fa niaina tanaty fiainana tsotra efa fantatr’ise
Anio anefa averiko indray izao teniko izao hoe :
“Na inona zava-hiseho na ahoana fiankason’ny tany
Ny fantatro zandriko ise dia hijanona ho zandriko hatrany !”
R.JO 13/08/04
Noho ny fihavanana dia hanoratako ise na sanatria tsy hamaky aza
Fa inona loatra ny alahelon’ise amiko no dia nahavita teny maro tsy voahevitra toy ireo ao amin’ny email sy tononkalo ireo ise an? Raha mba hazavain’ise amiko mantsy ny hadisoako dia ho afaka nanazava aho na dia teny iray monja aza, na hihaino anefa ise na tsy dia
hanoratako ihany satria boribory ny tany tsy azoko atao ny midify ny tavan’ise na ahoana fomba fisehon’ise eto anatrehako satria fantatro fa olom-boataiza tamin’ny fahendrena ise ka afaka mandinika tsara, gaga aho nahita ny zavatra nosoratan’ise na dia efa nampoiziko aza ny sasany afa-tsy ity hoe : samy lehilahy nohosoran’ny Reniny menaka tsy ho voafafa ato am-poko mandra-maty iio teny iray io satria mavesatra loatra, ise mantsy mihevitra fa hiady am’se aho (Antitra eo ny voanjobory raha izay no andrasana) ary tsarovy sy aleteo ao andohan’ise fa na aiza alehan’ise dia tsy maintsy mbola hisy fahatsiarovana ahy koa na dia tsiarom-pahatsiarovana iray monja aza na ny ratsy efa vitako na ny tsara efa nataoko dia mbola hampahatsiahy an’ise ny fisiako izany rehetra izany hazavaiko anefa fa tsy izaho no nanadino an’ise fa ise no miezaka hanadino ny fisiako, izany aleoko ihany fa ise noheveriko ho matanja-tsaina sy mpampahery ary mpananatra olona io no lavon’ny singam-bolo kely toy ireny.
Anisan’ny hirako teo imolotr’ise ity soratako ity
Ianao io ve mba nahatsiaro
Ireny lasa niarahana
Mba tadidinao koa ve
Ilay fotoana nisarahana
Fa n’iza n’iza velon’aina
Ka niaina toa antsika
Dia tsy maintsy miafara
Amin’ny vata-mangatsiaka
Ianao io ve efa nanadino
Ditra izay natao
Mba tadidinao koa ve
Ireo niarahana nanao
Fa raha tsahivina ny lasa
Na ny ahy izany na ny anao
Dia angamba fo maratra
No hany sisa mba navelany
Fa n’inon’inona niainana tety
Dia tsarovy fa mandalo tsy ho doria
R.JO (Rakotomalalason Jean Olivier)
doum
(
27/07/2005 19:34)
eeeeeeeeeeeee!
fa inona mintsy ary ny olana e
alamino sakaiza a!
hianareo nge no fitaratra sy modelinay mpamaky e
zay ary e
fa inona mintsy ary ny olana e
alamino sakaiza a!
hianareo nge no fitaratra sy modelinay mpamaky e
zay ary e
ledada
(
24/10/2006 14:08)
toy izao zany refa mifanontsana @ tononkalo ny artista an! ts ratsy akh! ts ilay mifanontsana no lazaiko oe ts ratsy , fa hay azo anaovana fifamalina sy adihevirtra ny tononkalo?
sarondrahona
(
13/10/2008 12:24)
valo taona aty aoriana vao nahita ny anamarihana mikasika ity tononkalo ity aho razoky, ka te-hampahatsiaro ny taona efatra nizorany sy tsy nandrenesanao ny feoko. 13 Oktobra 2008 izao,inona no zava-niseho tamintsika, ary iza no nihavian'ny ady? Averiko ihany ny teniko hoe:"NY FIHAVANANTSIKA EFA RESAK°ADAKA..."- Mananatr'olona aho, fa ny hendry no anariko, ary izay tokony handray anatra, fa raha ny amin'ise, dia hoy ny Ntaolo milaza azy hoe: "Raha tanimboly tsy lonaky ny zezika, dia efa vatolampy no ao",tsy ho be resaka aho, fa "SAMIA HOTAFITA SOA, satria SAMY MBOLA ALAVITRA NO ALEHA",Hoy ilay ZANDRY MALALAN°I ZOKY TSY FOINY(032 46 503 69)