AOKA ALOHA (SARONDRAHONA RAMBOLAMANANA)

Nantsain'i
(Nalaina tao amin'ny vetso.serasera.org)
moramora ianao malala
fa midona ny any an-karatra !
Reo miakandrefam-baravarana
samy reraka sy hana
fa mitraina ny fahavaratra;
samy trotraka sy tola.
'Reo firenena NGEZALAHY
any am-pitan-dranomasina,
tratry ny olana ara-bola:
Ianao vao miha-mirobaroba.
Ny maro anaka aza izao,
efa tsy hihinam-bary intsony
sady efa tsy hihinan-koba!

Ny anao vao mihilana ny andro
mila toaka,mila vera;
vidin'omby iray izay
no efa laninao,LABIERA
fa tsy hitako izay tombom-barotra !
ka tena aoka izay malala,
tena aoka mihitsy aloha
fa ny fiainana efa sarotra !

Dia mianara ianao mihafy!
ny vady tokana aza izao
efa manahiran-tsaina,
ianao vao mainka mampirafy!
nefa tsisy tombontsoa:
Moramora ianao malala,
dia aoka mihitsy,AOKA ALOHA!!!

SARONDRAHONA RAMBOLAMANANA

Tél: 032 62 897 51
--------
Rohy:
Sokajy : Fiainana
2729 0
Hametraka hevitra
Midira aloha
Momba ny tononkalo
Mpanoratra : SARONDRAHONA RAMBOLAMANANA
Nampiditra : sarondrahona
Daty : 29/11/2008 16:39
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0108