ITONY TENY ITONY (SOLIMAH)

Itony teny itony raha tian'ny tena ho tiana,
dia ataovy taova raitra ho tiavin'ny fanahy.
Toy ny tany tony ao an-dain'ny hafaliana :
Miteny tena masin'ny ritsok'ireo tsiahy.

Angoninao ny anganon'ny ngonongonon-kira,
Dia tsapanao natsipin'ny feo miangaly raitra.
Mangina sady mangana ny ainga mamy sira.
Mangenahena kosa ny fo mitia taitaitra.

.....S O L I M A H .....
©01 Jolay 2025©
--------