Raha (Solo)
(Nalaina tao amin'ny vetso.serasera.org)
RAHA...Raha tsy maintsy hisafidy izay tany hiorenana,
Sy tsy maintsy hiorim-paka amin-toerana honenana :
Safidiko i Gasikara.
Raha tsy maintsy hisafidy izay olona hiarahana,
ka tsy maintsy hiankim-po amin’izay ho tena namana :
Safidiko ny Malagasy.
Raha tsy maintsy hisafidy izay teny ihany koa,
Ka tsy maintsy hiloa-bava hanambara ny ao am-po :
Safidiko ny teny Gasy
Raha takiana ny herin-tsaiko mba hikaro-pahalalana,
Ka hanoratra izany ho herin’ny fanantenana :
Soratako amin’ny teny Gasy.
Roma Febroary 2004
--------
Lien:
Catégorie :
Tanindrazana