TSY ANJARANY (TIANA)

TSY ANJARANY

Sasa-niantso tody 'lay nanantena poak'aty
Sasatra nanozona fa nihombo fery anaty
Sasa-nanantena, sasatra nitia
Nirian-kojeren'irony maso efa nipy

Reraky ny ezaka toa hery very maina
Fa tsy mba nody ventiny ny rano nantsakaina
Sasatra nanezaka, tolefika amin'ny tany
Drodroka sy reraka, nogiazan'ny tomany

Sasatry ny niaina,naniry ny tsy anjarany
Fitia nampaningotra aina,ka namoy fo ny farany
Tsy nety hino akory ny teny filafilany
Izany ny fitia rehefa tsy ahitàna rirany

TIANA
--------