Haiteny (TSILOKO Mahadiny)

Ny hanina anao tsy mba tola
No antom-pisian' ny embona
Ka misoka mandrava ny tsiky,
Ary embona anao tsy voafefy
No antom-pamoha ny hanina
Ka mikiry manandra sento.
Tsy sentom-pitia torajofo nefa
Na sentom-pitia toa setroka
Ka tavanan' ny adala sy hendry
Na handitsoka maso tsy fidiny.
Fa sentom-pitia latsa-paka
Ka mijoro tsy azo azera.

TSILOKO Mahadiny
(26-08-04)
--------