Aoka etsihy (tsiolaka)

Maditra loatra akia ny foko
ka tsy azoko noferana
tsy hitia an-tsokosoko
Ilay voninkazo fanaperana
dia ilay raozy manantompo

ekeko hoe mambabo
ny hatsarana isalorany
ary tsapako mandavo
Ilay angola sy fidolany

saingy aoka etsihy ry foko
fa Sao ianao hangaina
ho vesaran'ny toloko
hanangana taraina

fa ny amalona raha fia
tsy hisoronana ny lela
ô ry foko aoka etsihy
maharay ny roa ny ela
--------