MIKALO (tsiolaka)
Pas encore lu
(Nalaina tao amin'ny vetso.serasera.org)
Anaty sorabakana tsinjo teny ho enyNisy tery izay mikalo tsy voamboraka amin-teny
Fa alonalon'endrika maninteraka fanahy
Tambolimbolin'hararetran'onjan'ny tsiahy
Anaty soradanitra Ilay diva haraina iny
Misy soritsoritr'endrika mikasa hivahiny
An'heritreritro ao tsy fantatra hoe nahoana
Fa reko injao misikimponitra mikalo antaranoana
Anaty diavolana Ilay tomaratra fitaratra
Misy endrikao mikalo , mendrika s'y Lafatra
Ilay izaho mierimpanahy no tsinjoko mazana
Nampipongatra ny tsiky namololona tsy tana
Anaty feom-baliha ilay mikalo takariva
Arahin-tsikadraha midridroka ivaiva
Misy embona miraratra,menenika mangina
Toa topimason'ilay tia maniry mafy ho Tiana
Tsiolaka
15-05-2023
--------
Lien:
Catégorie :
Aingam-panahy
Fans:
tsiolaka
