raha sendra...! (tsiolaka)

Raha sendra ka maloka ny any
manjombona mampitomany
aza adino fa misy any ho any
rakotr'aizin-tsy roa aman-tany

tojo sarotra mahavaky fo
mampimalo ,hitanondri-doha
aza adino fa misy ihany koa
nolefonin-tsakaiza ivoho

Raha namadika Ilay nitokiana
indrindra ny amboakely tiana
nanaikitra am-panahiniana
Ho neniny izany any aoriana

raha sendra ka maloka ny any
manjombona tsisy ohatra izany
aza adino f'indray andro any
hisy Tsiky handroaka tomany
--------