teny tonga rofy (tsiolaka)
Pas encore lu
(Nalaina tao amin'ny vetso.serasera.org)
Injao ny teny tonga rotsy....!Rotsirotsin'ireo nofy mifandrimbona amin-drofy
Izay nitrebona tsy satry teo am-pototry ny Avana
Hery tsy hita navanavana.....
Ny hakanto sy ny vaikan'
Ireo hovitra entin'ny fiantraikany;
Fa nandrovitra ny voaly maizin'ilay tsy fisiana
Tamin-kery manan-jina
Io no gadona iangalian'Ikotokelimiadilaona
Ilay ritsoka maraina izay mikalo an-taranoana
Teo mihitsy no nanomboka nipaika nifanesy
Nisongona tan-katakonana ny lasitry ny maridrefy
Ny isa nisakambin-droa zary telo hijoroana
Ilay fatotra navona mialoha ny fiofoana
Mantsy teo nipololotra,ary teo no namololona
Ilay hiaka idealy mipongatra hanitry ny Forona
Mba haninteraka hafanana hidiadema hazavana
Eo an-dalam-pianjoriavan'ilay fanahy mifampitana
Injao ny teny tonga Rofy
Tsiolaka in V'hainga
--------
Lien:
Catégorie :
Aingam-panahy
